Bay Atik tou Fèt
Si se sa-w pito fè, ou mèt fè-n kado atik tou fèt pou-n voye ayiti pa kago. Selon sezon an, yo diferan. Gade pou wè jan nou fè sa fasil pou ou pou chwazi, peye, epi ret kè poze paske sa-w seleksyone yo ap rive otomaktikman nan adrès Fondasyon an ki nan Queens, NY la. Mèsi anpil!
Bay Founiti Klasik
An Jiyè ak mwa Dout, se lè sa manm Fondasyon Kedner Stiven yo komanse prepare kago ki pou pote founiti klasik bay timoun ann Ayiti. Klike sou bouton an pou ka chwazi, peye pou sa-w chwazi, epi voye atik ke ou vle ofri a yo.
Bay Kado Nwèl
Ou ka bay kado Nwel a pati de lè kago founiti klasik yo fin ale. Fè yon ti gate timoun yo! O-o! Ou mèt gate yo anpil tou wi! N-apresye-w nan lè de ka!
Bay Atik pou Konstriksyon
Apa yon pi dlo ki ap byen kouvri pou sekirite timoun yo ak yon ponp dlo, sa nou vle fè tou, se plante manje natirèl pou elèv nou yo paske se sa ki sanble bon pou nou fè, plante legim ak fri tou, sou plas. Nou aksepte atik pou konstriksyon pandan tout ane a.
Bay yon Otobis Lekòl
Nou ouvri de bra pou resevwa yon otobis lekòl pou fasilite nou al chèche timoun ki ka plis bezwen sa yo pou yo ka vin lekòl, epi mennen yo tounen an plis de sesyon dekouvèt ke yon bis a va pèmèt nou reyalize e ki ka benefik pou elèv nou yo anpil.
